تنظيف البيت بطريقة توفر لك الكثير من الوقت

غرف النوم

بنفض السرير او الكنب وازبطه بسرعه والم بقا الحاجات كولها اللي عليه زي فوطه مثلا ولحاف البيبي وشورت بنتك وعلبه مش عارف ايه واقوم حاطاهم في سرير البيبي

واجيب المقشه العاديه واكنس كل اللي في الارض مره واحده بما فيها من جزمه بنتك ولعبها وطبق ولا هدوم مش نضيفه وكتاب ولا قلم
واقعد بقا اقسم الحاجه اللي هتروح المطبخ في جنب واللي هتروح الحمام في جنب وهكذا واقوم اودي كل حاجه مكانها في مشوار واخد

المطبخ

وانا بدخل المواعين بعد كل وجبه بفضي الاطباق واعبي الحوض ميه واحطهم فيها
وكمان وانتي بتطبخي تعملي علبه مخصصه للحاجات اللي بترميها واوووووووووعي ترمي في الحوض ابدااا بيعمل ريحه مش حلوه خالص
انا عامله مصفاه قديمه في الحوض بقشر فيها البصل والتوم وارمي علبه المرقه بعد ما استخدمها والازم منو وفي الاخر بفضيها في الباسكت وحوضي ماتبهدلش ولا اتسد
وانتي بتطبخي لما تجيبي مثلا البهارات رجعيها مكانها والملح وكيس الرز وكدا يعني ماتسيبيش الحاجه كلها فوق بعضها ع الرخامه
هتشوفيهم زي الهرم وهتستصعبي انك تروقي المطبخ

الحمام

وانا بغسل وشي بغسل الحوض
وانا بستحمى بغسل البانيو والمرحاض
ولازم امسح الحمام كل ماخش عشان البيكتيريا يابنات

الغسيل

عامله للابيض كيس ابيض
وللالوان الفاتحه كيس ملون فاتح
وللغامق كيس غامق
وكل ما ادخل هدوم مش نضيفه بحطها في كيسها المخصص
نسيت اقولكم ان الاكياس دي في باسكت الغسيل
تيجي داخله الحمام تقومي مفضيه كيس منهم ف الغساله وتحطي المسحوق وتختاري البرنامج ف ظرف 30 ثانيه
اسهل عليكي من انك تقعدي لسه هتفرزي الهدوم وتقسميها وتحطي ومش عارف ايه

النشير ولم الغسيل

دا بقا مافيهوش ابداع هوا بغباوته مالهوش حاجه تسهله ولا تحببنا فيه
الا ان الغسيل تطبقيه وانتي بتلميه بيقى اسهل شويه .